Isang Mahigpit Na Yakap

"Para sa pusong nalulungkot, nasasaktan, natatakot, nangangamba, isang mahigpit na yakap."

Para sa mga pusong iniwan at nang-iwan, isang mahigpit na yakap. Sa pusong iniwan nang hindi alam ang dahilan, isang mahigpit na yakap. Sa pusong nang-iwan para hindi na muling masaktan, isang mahigpit na yakap.

Para sa mga pusong nasaktan at nasasaktan, isang mahigpit na yakap. Sa pusong nasaktan ngunit natutong lumaban, isang mahigpit na yakap. Sa pusong nasasaktan na ang sugat ay hindi pa naghihilom, isang mahigpit na yakap.

Para sa mga pusong natakot at natatakot, isang mahigpit na yakap. Sa pusong natakot ipaglaban ang nararamdaman, isang mahigpit na yakap. Sa pusong natatakot sumubok ng bagong pagmamahal, isang mahigpit na yakap.

Para sa mga pusong itinago at itinatago, isang mahigpit na yakap. Sa pusong itinago nang dahil sa lipunang mapanghusga, isang mahigpit na yakap. Sa pusong itinatago dahil hindi maintindihan ang nararamdaman, isang mahigpit na yakap.

Para sa mga pusong umasa, umaasa, at aasa pa rin, isang mahigpit na yakap. Sa pusong umasa ng masayang kahapon, isang mahigpit na yakap. Sa pusong umaasa na makikita din ang kan'yang halaga, isang mahigpit na yakap. Sa pusong aasa pa rin na bukas ay kapiling na ang minamahal n'ya, isang mahigpit na yakap.

Para sa mga pusong puro pasakit sa buhay ang nadarama, isang mahigpit na yakap.

Bampirang Uhaw Sa Lakas

"Sa tuwing sasapit ang gabi, ang katawan ni Antonio ay sadyang nag-iinit sa kadahilanang hindi niya malaman. Isang linggo pa lamang ang nakakalipas mula ng lumuwas siya ng Maynila para mag-aral sa isang sikat na unibersidad."

"Gabi na naman", ang wika ni Antonio sa sarili habang nakaupo sa isang bakal na upuan sa beranda ng inuupahan niyang apartment. Kung siya ay makikita ng ibang tao, siya ay mukhang may malalim na iniisip pero ang totoo, sadyang gusto niya lang talagang pinag-mamasdan ang paglubog ng araw. Gustong-gusto niya ito dahil ito ang hudyat na mapapawi na naman ang init ng kanyang katawan.

Sa tuluyang paglubog ng araw ay pumalit ang buwang nagbibigay ng sapat na ilaw para makita niya ang kaniyang sariling repleksiyon sa salaming nakaharap sa beranda ng kaniyang tirahan. Mabusising pinagmasdan ng lalaki ang sariling katawan sa harap ng salamin at napangiti nang akala mo ay nakakaloko. "Ang katawang ito ay siguradong makakabingwit na naman mamaya ng mga taong katulad niyang nagtatago sa dilim", sa isip-isip niya.

Matapos kumain ng gabihan ay kaagad siyang naligo. Kinuskos ng lalaki maging ang kasuluk-sulukan ng kanyang kawatan gamit ang tinuyong patola na galing pa sa likod-bahay nila sa probinsya. Matiyaga niya ring nilinis ang kaloob-looban ng kaniyang katawan sa abot ng kanyang makakaya. Muli na naman siyang napangisi at galak na galak na tinapos ang paliligo habang pakanta-kanta ng Milkshake ni Kelis.

My milkshake brings all the boys to the yard

And they're like, it's better than yours

Damn right it's better than yours

I can teach you, but I have to charge

I know you want it

The thing that makes me

What the guys go crazy for

They lose their minds

The way I wind

I think it's time

Matapos makapagsuot ng puting sando at boxer shorts ay metikuloso niyang sinuklay ang fade cut na buhok at kinuha ang android phone na regalo pa sa kaniya ng kaniyang mga magulang noong magtapos siya sa senior high school. Pagkaharap na pagkaharap sa salamin ay kaagad na kumuha ng ilang litrato na kita lamang ang kaniyang torso pababa.

"Busog ka na naman ngayong gabi, Antonio", sa isip-isip niya at sabay bukas ng isang app sa kaniyang phone.